மாமா உன் பொண்ண குடு...பார்ட் 5

பார்ட் 5
பெரிய மாமா இப்டி வந்து கேக்கவும், விவேக்கு என்ன பண்றதுன்னே புரியல.
"என்ன மாமா சொல்றீங்க?"
"ஆமாம் டா, எங்க எல்லார் விருப்பமும் அது தான், நீ தான் வித்யாவ கல்யாணம் பண்ணிக்கனும், இப்ப வேற வழியே இல்ல", இது விவேக்கோட அம்மா விஜயா.

கொஞ்ச நேரம் அமைதியா இருந்த விவேக், விஸ்வநாதன் கிட்ட போய், "ஏன் மாமா…எல்லாரும் குடும்ப மானம் போச்சு, குடும்ப கெளரவம் போச்சுன்னு பொலம்பறீங்களே? யாராவது, நம்ம வீட்டுப் பொண்ணுக்கு இஷ்ட்டமில்லாத ஒருத்தனோட நடக்க இருந்த கல்யாணம் நடக்கலைன்னு சந்தோஷப்பட்டீங்களா?" ன்னு கேட்டான்.

அதுக்கு விஸ்வநாதன் "அத பத்தி எனக்கும் சந்தோஷம் தான்டா…இன்னும் கொஞ்ச நேரத்துல சொந்தக்காரங்க எல்லாரும் வந்துடுவாங்கலே? அவங்க முகத்துல நான் எப்டி முழிப்பேன்? என் ஒரே பொண்ணுக்கா இப்டி எல்லாம் நடக்கனும்?"

"தப்பு மாமா, ரொம்ப தப்பு..."

அதுக்குள்ள விவேக்கோட அப்பா, "டேய், கேட்ட கேள்விக்கு பதில் சொல்லாம, என்னனவோ பேசிக்கிட்டு…முதல்ல போய் டிரஸ மாத்திட்டு, மாலைய போட்டுட்டு வா" ன்னு அதட்டவும்,

விவேக், "இருங்கப்பா! அதுக்கு முன்னாடி என்ன கொஞ்சம் பேச விடுங்க…இத பாருங்க மாமா! மாப்ளைய நேர்லையே பாக்காம கல்யாணம் ஃபிக்ஸ் பண்ணது முதல் தப்பு, வித்யா வந்து ஏதோ சரியில்லைன்னு சொல்லியும் கூட, சின்ன பொண்ணு, அவளுக்கு என்ன தெரியும்ன்னு அலட்சியம் பண்ணது ரெண்டாவது தப்பு...அதெல்லாம் கூட இப்ப சரி ஆய்டுச்சு, ஆனா இப்ப மறுபடியும் பண்றீங்க பாருங்க, அது தான் மாமா ரொம்ப பெரிய தப்பு.."

"என்னடா சொல்ற?"

"ஆமா மாமா...பதட்டமா இருக்கற நேரத்துல இப்டி அவசர அவசரமா முடிவு எடுக்கறீங்களே, அத தான் மாமா சொல்றேன்"

"இப்ப கல்யாணம் நடக்கலைன்னா, நாளைக்கு என் பொண்ண யாரு கல்யாணம் பண்ணிக்குவா? அப்டியே ஒருத்தன் வந்தாலும், அதுக்கு எவ்ளோ காலம் ஆகுமோ?"

"கல்யாணம் நடக்காம இருக்க போற ஒரு சில வருஷங்கள பத்தி யோசிக்கறீங்களே? கல்யாணம் முடிஞ்சு வாழ போற 30,40 வருஷத்த பத்தி ஏன் யோசிக்க மாட்டேங்கறீங்க? இப்ப வித்யாவுக்கு தேவை கல்யாணம் இல்ல மாமா, டைம்…ஆமா, இதெல்லாத்தையும் மறந்துட்டு நார்மல் ஆகறதுக்கு, டைம் தான் வேணும் அவளுக்கு...கண்டிப்பா, அவள நிஜமாவே புடிச்ச ஒருத்தனா, அவள புரிஞ்சுக்கிட்டவனா, ஒருத்தன் வருவான்...ஏன்,அந்த ஒருத்தன் நானா கூட இருக்கலாம், ஆனா...அத முடிவு பண்ண வேண்டிய நேரம் இது இல்ல, அவளுக்கு டைம் குடுங்க, அதுக்கப்பறமும் அவளுக்கு உடனே கல்யாணம் பண்ணிக்கனும்ன்னு தோணுச்சுண்ணா, என்னையும் புடிச்சிருந்துச்சுண்ணா, அப்ப சொல்லுங்க, நான் முழு மனசோட இந்த கல்யாணத்துக்கு ஒத்துக்கறேன்"

"நீ சொல்றதும் நியாயம் தான்டா…ஆனா, நாளைக்கு என் பொண்ணு கல்யாணம் நடக்கலைன்னா ஊர்ல எல்லாரும் என்ன பேசுவாங்க?"

"ஊர்ல இருக்கறவங்களுக்காக உங்க சொந்த பொண்ணு வாழ்க்கைய முடிவு பண்ணப் போறீங்களா மாமா? எப்டியாவது என் பொண்ணு கல்யாணத்த முடிக்கனும், முடிக்கனும்ன்னு சொல்றீங்களே? கல்யாணம்ங்கறது, முடிவு இல்ல மாமா…அது ஒரு புது வாழ்கையோட ஆரம்பம்…இதுக்கப்பறமும் இந்த கல்யாணத்த நடத்தியே ஆகனும்ன்னு நீங்க எல்லாரும் ஆசை பட்டீங்கன்னா, நான் ரெடி மாமா..."

கொஞ்ச நேரம் எல்லாரும் எதுவுமே பேசாம அமைதியா இருந்தாங்க. கடசியா, ஒரு முடிவுக்கு வந்தவரா, விஸ்வநாதன், "வித்யா மா! ரொம்ப டையர்டா இருப்ப...எல்லாத்தையும் மறந்துட்டு வீட்டுக்கு போய் தூங்கு, அப்பா மண்டபத்துல எல்லாத்தையும் செட்டில் பண்ணிட்டு சீக்ரம் வீட்டுக்கு வந்துடறேன்" ன்னு சொன்னாரு.

அப்ப தான் எல்லார் முகத்திலையும் ஒரு நிம்மதி தெரிஞ்சுது.

விஸ்வநாதன் விவேக் கைய்ய புடிச்சுட்டு, "உன்ன பத்தி நான் என்னவோன்னு நினச்சுட்டன்டா மாப்ள, எனக்கு ரொம்ப ஈசியா புரிய வச்சுட்ட, ரொம்ப தாங்ஸ் டா"

"என்ன மாமா? தாங்ஸ் எல்லாம் சொல்லிக்கிட்டு? வாங்க நாம ஆக வேண்டிய வேலைய மொதல்ல பாப்போம்"

அப்டி இப்டின்னு விவேக் கிளம்ப வேண்டிய நாளும் வந்துடுச்சு.

விவேக் அவங்க அம்மா கிட்ட, "என்ன மா? என் மேல கோவமா இருக்கீங்களா?" ன்னு கேட்டான்.

"நான் ஏன்டா உன் மேல கோவப் பட போறேன்?"

"அதில்ல, நான் வித்யாவ கல்யாணம் பண்ணிக்கலையேன்னு..."

"நீ வித்யாவ கல்யாணம் பண்ணி இருந்தா கூட நான் இவ்ளோ சந்தோஷ்ப்பட்டிருக்க மாட்டேன், என் பய்யன் இன்னும் விளையாட்டு பிள்ளையாவே இருக்கான்னு நினச்சுட்டு இருந்தேன்... எப்படா நீ இவ்ளோ பெரிய மனுஷன் ஆன? எனக்கு அப்டியே பூரிச்சு போய்டுச்சு தெரியுமா?"

விவேக் சிரிச்சுட்டே, "ஹய்யோ அம்மா! நான் இப்ப கூட தீராத விளையாட்டுப் பிள்ளை தான்" ன்னு சொல்லவும் விஜயாவும் அவனோட சேந்து சிரிச்சாங்க.

ஏர்போர்ட்டுக்கு விவேக், விக்ரம், அவன் அப்பா, அம்மா, அப்புறம் அவனோட சில பல, அத்தை, மாமா, எல்லாரும் போயிருந்தாங்க. வித்யாவும் போயிருந்தா.

வித்யா விவேக் கிட்ட வந்து, "விவேக்! உன்கிட்ட ஒன்னு சொல்லனும் நினச்சுட்டு இருந்தேன்..."

"சொல்லு வித்யா!"

"ரொம்ப தாங்ஸ் விவேக்...நீ மட்டும் அண்ணன அவங்க வீட்டுக்கு முண்ணாடியே அனுபலைன்னா என்ன ஆயிருக்கும்ன்னு என்னால நினச்சு கூட பாக்க முடியல..." இத சொல்லும் போது வித்யாவுக்கு கண்ணெல்லாம் அப்டியே கலங்கிடுச்சு.

"ச்சே, ச்சே...இதுக்கு போய் எதுக்குடீ தாங்ஸ் எல்லாம்? என்ன தான் இருந்தாலும் நீ எனக்கு identity crisis வராம காப்பாத்தி இருக்க...உனக்காக இதக் கூட பண்ணலைன்னா எப்டி?"

"என்னது? ஐடன்டி க்கரைசிஸ்ஸா ஆ?"

"ஆமா...என்னோட எல்லா செர்டிஃபிகேட்ஸ்லையும் இருக்கு, நீ குடுத்த ஐடன்டி, 'எ ஸ்கார் இன் த லெஃட் ஆர்ம்..."

"போடா!!! எப்ப பாத்தாலும்..." ரெண்டு பேரும் கொஞ்ச நேரம் நினச்சு நினச்சு சிரிச்சுட்டு இருந்தாங்க.

அப்புறம் வித்யா, "ஹே! அப்றம் இன்னொன்னு கேக்கனும் நினச்சேன்...உண்மைய சொல்லு, உனக்கு யு.யெஸ்ல கேர்ள் ஃபிரண்ட் இருக்கு தான? அதனால தான அன்னிக்கு எங்க அப்பா கிட்ட பயங்கரமா லெக்சர் அடிச்சு தப்பிச்ச?"

விவேக் ரொம்ப சீரியஸா முகத்த வச்சுக்கிட்டு, ஆனா கண்ல குறும்போட, "இல்ல, நீ நினைக்கற மாதிரி எல்லாம் இன்னும் எதுவும் இல்ல, அந்த இடம் இன்னும் காலியா தான் இருக்கு, நீ வேனா அப்ளை பண்றியா?"

"அடிங்ங்க..." ரெண்டு பேரும் மருபடியும் பலமா சிரிக்க ஆரம்பிச்சுட்டாங்க.

செக்யூரிட்டி செக் தாண்டரதுக்குள்ள விவேக்கோட ஃபோன் அடிச்சுது. விவேக் ஃபிரண்ட் தினேஷ் தான்.

"என்னடா, கிளம்பிட்டயா? கல்யாணம் எல்லாம் எப்டி நடந்துது?"

"கல்யாணமா? நீ மெய்லே ச்செக் பண்ணலையாடா? ஆன்லைன்லையும் கானோம்?"

"ஆமா டா, ஒரே வேலை, ஏன் என்ன ஆச்சு?"

"கல்யாணம் நின்னுடுச்சுடா..நான் உனக்கு வந்து சொல்றேன்..."

"என்னது? நின்னுடுச்சா? ...அடப் பாவமே! சரி, வித்யா இப்ப எப்டி இருக்கா? இஸ் ஷீ ஆல் ரைட்?"

"ஹ்ம்ம், ஒகே...ஓரளவுக்கு ஷீ இஸ் பேக் டூ நார்மல் நவ்"

"ஒ...பரவால்ல, குட்...அப்ப வேக்கன்சி இருக்கு, ஒரு அப்ளிக்கேஷன் போடலாம்ன்னு சொல்லு..."

"டேய்ய்!!! அவ என் மாமா பொண்ணு டா"

"அடச்சே! உனக்கு தான்டா சொன்னேன்..."

"அது!!!"

எல்லாரையும் பாத்து ஒரு சல்யூட் அடிச்சுட்டு, ஸ்டைலா நடந்து லாஞ்ச்சுக்குள்ள போனான் விவேக்.

***************************முற்றும்********************************************